माझे कुटुंब माझी जबाबदारी’ मोहीम यशस्वीपणे राबवून कोरोनाचा संसर्ग रोखूया नगरसेविका प्रिया विजय भोईर यांचा संकल्प…

माझे कुटुंब माझी जबाबदारी’ मोहीम यशस्वीपणे राबवून कोरोनाचा संसर्ग रोखूया नगरसेविका प्रिया विजय भोईर यांचा संकल्प…
कळंबोली,दि.०६: कोरोना विषाणूचा प्रादुर्भाव रोखण्यासाठी ‘माझे कुटुंब माझी जबाबदारी’ मोहीम महत्वपूर्ण आहे. लोकसहभागातून ही मोहीम यशस्वीपणे राबवून जिल्ह्यात कोरोनाचा संसर्ग रोखूया, असे आवाहन जिल्हाधिकारी निधी चौधरी तसेच पनवेल महानगरपालिका यांनी केले.
‘माझे कुटुंब माझी जबाबदारी’ मोहिमेचा आज पनवेल महानगरपालिकेच्या अतिरिक्त आयुक्त श्रीमंती तृप्ती सांडभोर, पनवेल महानगरपालिकेच्या सहाय्यक आयुक्त वंदना गुळवे,पनवेल महानगरपालिकेच्या नगरसेविका प्रिया विजय भोईर यांच्या हस्ते प्रभाग क्र.८ मध्ये शुभारंभ करण्यात आला.यावेळी मोहिमेत सहभागी अधिकारी, कर्मचारी व आशा वर्कर रहिवासी यांना मार्गदर्शन केले. तसेच गृहभेट देवून कोरोना लक्षणांबद्दल नागरिकांची विचारपूस करुन त्यांची प्राथमिक आरोग्य चाचणी घेतली.
कोविड-19 चा प्रादुर्भाव रोखण्यासाठी ‘माझे कुटुंब माझी जबाबदारी’ मोहीम शासनाने हाती घेतली आहे. ही मोहीम यशस्वी करणे ही सामूहिक जबाबदारी आहे. लोकप्रतिनिधी, स्वयंसेवी संस्था व नागरिकांच्या सहकार्यातून पनवेल महानगरपालिका क्षेत्रात ही मोहीम प्रभावीपणे राबवूया, असे अतिरिक्त आयुक्त श्रीमंती तृप्ती सांडभोर यांनी सांगितले. शासनाचे सर्व विभाग याकामी सक्रिय असून या मोहिमेत नागरिकांना ही स्वतः हून सहभाग होऊन तपासणी करुन घ्यावी, असे आवाहन त्यांनी यावेळी केले.
‘माझे कुटुंब माझी जबाबदारी’ या अभियाना अंतर्गत घरोघरी तपासणी करण्यात येणार असल्यामुळे कोरोना बधितांना वेळेत उपचार मिळवून देणे शक्य होईल. नागरिक व रुग्णांच्या अडचणी सोडवण्यासाठी शासकीय यंत्रणा अहोरात्र झटत आहे. नागरिकांनीही मास्कचा वापर, हातांची स्वच्छता, सोशल डिस्टन्सिंग आदी खबरदारी घेवून कोरोनाला आळा घालावा.
सहाय्यक आयुक्त वंदना गुळवे यांनी ही माहिती दिली. घरोघरी सर्वेक्षण करुन कुटुंबातील प्रत्येक व्यक्तीची प्राथमिक तपासणी करण्यात येणार आहे, असे सांगितले.
यावेळी पनवेल महानगरपालिकेच्या अतिरिक्त आयुक्त श्रीमंती तृप्ती सांडभोर, पनवेल महानगरपालिकेच्या सहाय्यक आयुक्त वंदना गुळवे,पनवेल महानगरपालिकेच्या नगरसेविका प्रिया विजय भोईर,पनवेल महानगरपालिकेतील कळंबोली विभागीय वार्ड अधिकारी मा.प्रकाश गायकवाड,आरोग्य अधिकारी दौलत शिंदे,स्वच्छता निरीक्षक मनोज चव्हाण,वार्ड अधिकारी राहूल जाधव,अष्टविनायक सोसायटीचे अध्यक्ष शिवाजी राजने, संजय म्हात्रे,दिनेश खुंटार,भाऊसाहेब रौदाल, तुषार जाधव,आदी मान्यवर उपस्थित होते. तसेच स्थानिक रहिवासी यांनी सहकार्य केल्याबद्दल आणि पनवेल महानगरपालिकेने ही मोहोम चालू केल्यामुळे विजय भोईर यांनी सर्वांचे आभार मानले.