वृद्ध महिलेची फसवणूक करून दागिने केले लंपास
पनवेल, दि.22 (वार्ताहर)- त्यांच्या शेठला बऱ्याच वर्षांनी मुलगा झाला असल्याने साडी वाटप करण्यात येत आहे. तरी अंगावरील दागिने तुमच्या जवळ असलेल्या पिशवीत काढून ठेवा असे बोलण्यात गुंगवून एका 67 वर्षीय वृद्ध महिलेची फसवणूक करून तिच्याजवळ असलेले 60 हजार रूपये किंमतीचे दागिने लंपास केल्याची घटना खांदा वसाहतीत घडली आहे. निर्मला सुर्वे या राशन घेऊन शिवाजी चौक खांदा वसाहत येथून पायी चालत जात असताना वीर हॉस्पिटलसमोर त्या आल्या असता दोन इसमांपैकी एकाने त्यांच्याशेठला बऱ्याच वर्षांनी मुलगा झाला असल्याने साडी वाटप करण्यात येत आहे. तरी अंगावरील दागिने तुमच्या जवळ असलेल्या पिशवीत काढून ठेवा असे बोलण्यात गुंगवून त्यांच्या केळीच्या पिशवीत दागिने ठेवतो असे सांगून शिताफीने त्यांच्याकडील 60 हजार रूपये किंमतीचे दागिने काढून घेऊन ते पसार झाले आहेत. याबाबतची तक्रार खांदेश्वर पोलिस ठाण्यात करण्यात आली आहे.
