मोटार सायकलच्या धडकेने इसमाचा मृत्यू
पनवेल, दि.27 (वार्ताहर) ः भरधाव मोटार सायकलच्या धडकेने एका इसमाचा मृत्यू झाल्याची घटना कामोठे वसाहतीमध्ये घडली आहे.
कामोठे वसाहतीमधील व्हिक्टोरिया भारत पेट्रोल पंपाजवळून किशोर मधुकर चव्हाण (50 रा.कुंभारवाडा, पनवेल) हे पायी रस्ता ओलांडत असताना भरधाव वेगाने आलेल्या अनोळखी मोटार सायकलवरील चालकाने त्यांना धडक दिल्याने झालेल्या अपघातात ते गंभीररित्या जखमी होवून त्यात त्यांचा दुर्दैवी मृत्यू झाला आहे. या अपघाताची नोंद कामोठे पोलीस ठाण्यात करण्यात आली आहे.
