खान्देश्वर पोलीस स्टेशनच्या गणपतीचे विसर्जन मोठया उत्साहात सपन्न
पनवेल/ प्रतिनिधी
लोकमान्य टिळकाने सर्व लोक एकत्र यावे या करिता गणेश उत्सव सुरु केला हाच आदर्श घेऊन खान्देश्वर पोलीस स्टेशन चे वरिष्ठ पोलीस निरीक्षक सुभाष कोकाटे साहेब यांच्या मार्गदर्शना खाली गणेशाची खांदेश्वर पोलीस स्टेशन मध्ये स्थापना करण्यात आली होती सतत जनतेच्या सुरक्षितेसाठी पोलीस बांधव दिवस रात्र कर्तव्य निभावत असतात.गणेशाची स्थापना केल्यामुळे सर्व पोलीस बांधवांमध्ये आनंदाचे वातावरण पाहायला मिळाले. नुकतीच खांदेश्वर पोलीस स्टेशन मधील गणेशाचे विसर्जनाची मिरवणूक काढण्यात आली होती, मिरवणुकीमध्ये सुद्धा गुन्हेगारा संबंधित जनतेमध्ये जनजागृती करण्यात आली. गर्दीच्या ठिकाणी सुरक्षिता कशी बाळगावी, गुन्हेगारांपासून सावध कसे राहावे, चोरीचा घटना कशा टाळण्यात येतील अशा अनेक बाबी या माध्यमातून जनतेमध्ये जनजागृती करण्यात आली. सर्व वरिष्ठ अधिकारी पोलीस बांधवानी मोठ्या उत्साहात गणपती बाप्पांना निरोप दिला, सर्व गणेश भक्तानी मिरवणूक काढताना आनंदीमय वातावरणात सुरक्षित कशी करता येईल ही नेहमी काळजी घ्यावी असे मत वरिष्ठ पोलीस निरीक्षक अशोक कोकाटे यांनी व्यक्त केले मिरवणूक दरम्यान क्राईम ब्रँच वरिष्ठ पोलीस निरीक्षक वैशाली गलांडे पनवेल महानगरपालिकेच्या उपमहापौर सीताताई पाटील तसेच पोलिस स्टेशनचे पोलीस बांधव पत्रकार बंधू शांतता कमिटी मधील पदाधिकारी उपस्थिती होते.
