खिल्लारी जातीच्या गायींसह वासरुंची चोरी

खिल्लारी जातीच्या गायींसह वासरुंची चोरी
पनवेल, दि.12 (वार्ताहर) ः चरण्यासाठी मोकळ्या जागेत सोडलेल्या एक गाय व तिचे दोन वासरु यांची चोरी झाल्याची घटना पनवेल जवळील करंजाडे येथे घडली आहे.
शंकर पवार यांनी त्यांची एक सफेद रंगाची खिल्लारी रंगाची गाय व तिचे दोन वासरु ज्याची किंमत जवळपास 35 हजार रुपये इतकी आहे. करंजाडे येथे चरण्यासाठी मोकळ्या जागेत सोडले असताना अज्ञात चोरट्यांनी लबाडीच्या इराद्याने तीनही जनावरे चोरुन नेल्याची घटना घडली आहे. याबाबतची तक्रार पनवेल शहर पोलीस ठाण्यात करण्यात आली आहे.