आजाद समाज पार्टी महिला मोर्चा आणि अन्याय अत्याचार निर्मुलन समिती च्या वतीने प्रयत्न अश्रू पुसण्याचा..
पनवेल/वार्ताहर:आजाद समाज पार्टी महिला मोर्चा आणि अन्याय अत्याचार निर्मुलन समिती च्या पदाधिकाऱ्यांनी महाड तालुक्यातील
1) आसनपोई वाडी,
2) चव्हाण वाडी
3) वडवली वाडी
4) कोल वाडी
5) रस्त्यालगत रहाणारे माथाडी कामगार
इ. पूरग्रस्त भागात भेट दिली व प्रत्यक्ष लोकांच्या समस्या ऐकून घेत त्यांना पून्हा उभे रहाण्यासाठी एक छोटासा हातभार म्हणून जीवनावश्यक वस्तू देवून त्यांच्या जखमेवर हळूवार फुंकर घालण्याचा प्रयत्न केला. आजाद समाज पार्टी च्या महिला सहकाऱ्यांनी आपल्या हाताने चहा बनवून उपस्थित पूरग्रस्त लहानथोरांना चहा व बिस्कीट देत तोंड गोड करीत आम्ही कायम तूमच्या सोबत आहोत असा विश्वास दिला. आता अजूनही आम्ही प्रवासात आहोत, जराही कंटाळा न करता दुर्गम भागात जाऊन तिथल्या स्वयंसेवकांच्या हातात वस्तू न देता प्रत्यक्ष मदत करण्याचा आजाद समाज महिला मोर्चा व प्रयत्न यशस्वी झाला.
महाड तालुक्यातील आसनपोई वाडी, भारताला गोल्ड मेडल मिळवून देणाऱ्या प्रतिक्षा गायकवाड हीचे गाव.
पूरामूळे आसनपोई वाडीची अतिशय बिकट अवस्था, शब्दात मांडणं अशक्यच…
सगळच तर उध्वस्त झालय. घरादाराची राख रांगोळी होताना उघड्या डोळ्यांनी बघणं कीती वेदनादायी असेल याची कल्पना ही करवत नाही. साक्षात मृत्यू समोर उभा होता. त्यांचे थरारक अनूभव ऐकताना डोळ्यातील अश्रूंना रोखणं मुश्किल होत होतं. पाच तास पावसात भीजत एका घराच्या टेरेसवर चिमुकल्यांना उराशी कवटाळत, सभोवताली पाण्याच्या प्रवाहात वाहून चाललेलं सर्वस्व पहात, आपणही थोड्या वेळात असेच वाहत जाऊ अशी कल्पना करत हताशपणे उभ रहाणं हे तर मृत्यूपेक्षाही भयानक. कसं जमलं असेल त्यांना? 😔