लोकल गाडीतून खाली पडून प्रवासी गंभीर जखमी
पनवेल दि.22 (संजय कदम)- अज्ञात लोकल गाडीतून रेल्वे पटरीच्या बाजूस पडून एक इसम गंभीर जखमी झाला असून त्याला पुढील उपचारार्थ प्रथम उपजिल्हा रूग्णालय पनवेल व त्यानंतर जे.जे. हॉस्पिटल, मुंबई येथे नेण्यात आले आहे. याबाबत त्याची ओळख पटविण्यासाठी पोलिस प्रयत्न करीत आहेत.
खांदेश्वर ते पनवेल रेल्वे किमी नं.46/12-13 मध्ये प्रवास करीत असताना सदर इसम हा खाली पडला आहे. त्याचे अंदाजे वय 30 वर्षे, उंची 5 फूट 5 इंच, अंगाने मध्यम, रंग गोरा, चेहरा गोल, नाक सरळ, केस काळे मध्यम, दाढीमिशी मध्यम वाढलेली व काळी आहे. अंगात लाल पांढऱ्या चौकटीचा फूल शर्ट व पाढऱ्या रंगाची जीन्स पॅन्ट त्याच्यात काळ्या रंगाची जीन्स पॅंट घातलेली आहे. सदर इसमाबाबत कोणाला अधिक माहिती असल्यास पनवेल रेल्वे पोलिस ठाणे किंवा पो हवा शिंदे मो.नं.-9619666946 येथे संपर्क साधावा.