दिशा कल्चरल इव्हेंट्स प्रस्तुत दिशा महिला मंच आयोजित समाजरत्न पुरस्कार सोहळा व श्रावण साजशृंगार सोहळा सपन्न
पनवेल/प्रतिनिधी:दिशा कल्चरल इव्हेंट्स प्रस्तुत दिशा महिला मंच आयोजित समाजरत्न पुरस्कार सोहळा व श्रावण साजशृंगार पारंपारिक वेशभूषा स्पर्धा शुक्रवार दिनांक 20 ऑगस्ट कामोठे येथे सेक्टर 36 मसाला मंत्रा याठिकाणी पार पडला.आपल्या कार्यातून सदैव सामाजिक भान जपणाऱ्या व कोरोनाच्या काळात समाजासाठी अमूल्य योगदान देणाऱ्या सामाजिक संस्थांना गौरविणारा सन्मानसोहळा
दूरदर्शन चे उपमाहासंकलक मा. श्री. शिवाजी फुलसुंदर सरांच्या हस्ते कामोठ्यातील आरोही सामाजिक विकास प्रतिष्ठान, एकता सामाजिक संस्था, निर्धार सामाजिक संस्था, जयदादा युवा मंच, स्वप्नील काटकर यांना प्रदान करण्यात आला. तसेच
श्रावण साजशृंगार ही स्पर्धा कोरोना योध्यांना समर्पित करत एक मॅसेज देऊन पारंपारिक वेशभूषेत पार पडली यावेळी मिसेस रायगड झालेल्या नंदिता परिदा यांनी प्रमुख पाहुणे म्हणून हजेरी लावली तर मिसेस इंडिया युनिव्हर्स श्रीजिता बॅनर्जी, मिसेस इंडिया इंटरनॅशनल हेरिटेज विद्या घारे यांनी या स्पर्धेचे परीक्षण केले यावेळी सौ. निवेदिता निखारे या स्पर्धेच्या विजेत्या झाल्या तर सौ. अलका चौधरी प्रथम संगिता झिंजाड द्वितीय तर मनाली खोत तृतीय क्रमांकाच्या विजेत्या झाल्या डॉ रुक्मिणी अर्जुन, सारिका माळी, पूजा कुटे,जयेश शामराव लोखंडे,जयकुमार डिगोळे,मीराश सुब्रमन्यम यांच्या सहकार्याने या उपक्रमाचे आयोजन करण्यात आले होते. विद्या मोहिते यांनी कार्यक्रमाची धुरा सांभाळत कार्यक्रम यशस्वीरीत्या पार पडला असे दिशा महिला मंच च्या संस्थापक सौ. निलम आंधळे यांनी सांगितले आलेल्या मान्यवरांनी दिशा व्यासपीठाच कौतुक करत पुढील कार्यासाठी शुभेच्छाही दिल्या