कंत्राटी कोवीड कर्मचारी संघटनेच्या आंदोलनास राजे प्रतिष्ठानचा पाठिंबा ; राजे प्रतिष्ठान कार्याध्यक्ष मा.नितीनदादा शिंदे
सातारा/प्रतिनिधी : काही दिवसात तिसर्या लाटेचा प्रादुर्भाव वाढू शकतो असे राज्याचे मुख्यमंत्री,आरोग्यमंत्री,टास्क फोर्स,सर्व प्रशासन वारंवार सांगत आहे परंतु जवळपास पहिल्या व दुसर्या लाटेत जीवाची व कुटुंबाची पर्वा न करता दीड वर्ष कोरोना रूग्णांना सेवा देण्याचे काम कंत्राटी आरोग्य कर्मचारी काम करत होते त्यांना कोरोना रूग्णांची संख्या कमी झाल्यावर कामावरून कमी करण्याचा निर्णय शासनाने घेतला असून हा निर्णय अन्यायकारक आहे.जिल्ह्यातील सर्व कंत्राटी आरोग्य कर्मचार्यांची आज राजे प्रतिष्ठान महाराष्ट्र राज्य कार्याध्यक्ष मा.नितीनदादा शिंदे यांनी जिल्हाधिकारी कार्यालय सातारा येथे आंदोलनस्थळी भेट घेतली तसेच राजे प्रतिष्ठान संस्थापक अध्यक्ष मा.खा.श्रीमंत छत्रपती उदयनराजे भोसले (महाराजसाहेब) व संपूर्ण राजे प्रतिष्ठान कंत्राटी कोवीड कर्मचारी संघटनेच्या पाठीशी असल्याची ग्वाही दिली. तसेच जिल्हा परिषदेचे मुख्य कार्यकारी अधिकारी (CEO),जिल्हा परिषद आरोग्य अधिकारी (DHO) यांचा दूरध्वनीवरून संपर्क साधला आणि लवकरात लवकर निर्णय घ्यावा अन्यथा राजे प्रतिष्ठान संस्थापक अध्यक्ष मा.खा.श्रीमंत छत्रपती उदयनराजे भोसले (महाराजसाहेब) यांच्या नेतृत्वाखाली तीव्र आंदोलन करण्यात येईल असे यावेळी सांगितले.