पत्रकार शेखर पाटील यांचा समाजकार्यास प्रोत्साहन देऊन वाढदिवस साजरा.
उरण दि 2(विठ्ठल ममताबादे )
उरण तालुक्यातील सामाजिक कार्यकर्ते तथा दैनिक कृषीवलचे पत्रकार शेतकरी कामगार पक्षाचे उरण शहर चिटणीस शेखर वसंत पाटील याचा वाढदिवस पिरकोन येथे साजरा करण्यात आला. यावेळी शेखर पाटील यांनी ‘आम्ही पिरकोनकर’ समूहाच्या कार्यास मदत म्हणून आर्थिक स्वरूपात मदत केली. त्याचबरोबर या समूहाच्या वतीने चालवण्यात येत असलेल्या वाचनालयास पुस्तके भेट दिली. त्याचबरोबर आम्ही पिरकोनकर समूहाने आयोजित केलेल्या तालुकास्तरीय गड-किल्ले स्पर्धेलाही आर्थिक सहाय्य केले. यावेळी ते म्हणाले माझ्या गावातील आम्ही पिरकोनकर व वाचनालयाच्या वतीने मला वाढदिवसाच्या शुभेच्छा दिल्या त्याबद्दल ऋणी आहे.विद्या सामाजिक संस्थेच्या माध्यमातून उरण तालुक्यात 14 मोफत नेत्र तपासणी व मोतीबिंदू शिबीरे घेत आलो आहे.यामध्ये 1000 रुगणांच्या मोफत मोतीबिंदू शस्त्रक्रिया, 4000 रुग्णांच्या तपासण्या, मोफत चष्मे वाटप, आदीवासी बांधवाना मदत, शालेय वस्तू चे वाटप, मतिमंद मुलांना मदत,शैक्षणिक शिबीर असे विविध सामाजिक उपक्रम राबवित आलो आहोत सामाजिक बांधीलकी जपण्याचे काम यानंतर सुरूच राहणार असल्याचे शेखर पाटील यांनी याप्रसंगी सांगितले.आम्ही पिरकोन कर समूहाचे कार्य पाहून त्यांनी समाधान व्यक्त केले व यापुढेही समूहाच्या कार्यास मदत करण्याचे आश्वासन दिले. पिरकोन येथे संपन्न झालेल्या या कार्यक्रमात त्यांनी ही मदत समूहाकडे सुपूर्द केली. याप्रसंगी आम्ही पिरकोनकर समूहाने त्यांना रोपटे देऊन त्यांचा सत्कार केला.
याप्रसंगी तज्ञ शिक्षक जगदिश गावंड ,भ्रष्टाचार निर्मुलन समिती चे अध्यक्ष नारायण पाटील, सामाजिक कार्यकर्ते सुनिल घरत, भूषण गावंड उपस्थित होते. सदर कार्यक्रमाचे आयोजन समाजकार्यात अग्रेसर असणारे कलाकार विनायक गावंड व आम्ही पिरकोनकर समूहाचे कार्यप्रमुख चेतन गावंड यांनी केले.मूळ पिरकोनकर असणारे व विविध सामाजिक संघटनांमध्ये सक्रीय सहभागी असणारे शेखर पाटील यांनी आपल्या वाढदिवसानिमित्ताने समाजकार्यास प्रोत्साहन देऊन एक आदर्श निर्माण केला आहे.यावेळी उरण पंचायत समितीच्या उपसभापती शुभांगी सुरेश पाटील,जेष्ठ नेते काका पाटील, माजी जिल्हा परिषद सदस्य जीवन गावंड, सहचिटनिस यशवंत ठाकूर,युवा कार्यकर्ते संदीप दिघोडेकर आदी मान्यवर यावेळी उपस्थित होते.