मोबाईलसाठी इमारतीच्या टेरेसवरून ढकलुन खुन ; आरोपी अटक
पनवेल, दि.4 (संजय कदम) ः साई डेव्हलपर्सची काम बंद पडलेली इमारत, साईनगर, ता.पनवेल, जि.रायगड याठिकाणी यातील आरोपीने त्याच्या परिचयाचा मानसिक आजाराने त्रस्त असलेल्या मयताचा मोबाईल व स्पीकर बॉक्स जबरी चोरी करण्याचे उद्देशाने त्यास सदर इमारतीचे टेरेसवर घेवून जावून मोबाईल व स्पीकर बॉक्स जबरीने चोरून त्याला इमारतीचे टेरेसवरुन ढकलून देउन गंभीर दुखापत करुन खुन केला असून याप्रकरणी पनवेल शहर पोलिसांनी आरोपीला तात्काळ अटक केली आहे.
गणेश जोमा म्हात्रे वय 36 वर्षे, राहणार – फ्लॅट नं. 41, ए विंग, चौथा मजला, एव्हरेस्ट सोसायटी, साईनगर, पनवेल हे त्यांच्या घरातील हॉलमधुन खिडकीसमोर उभे राहून त्यांचा मित्र उदित जेठवा यांचेबरोबर फोनवर बोलत असताना त्यांना त्यांचे बिल्डींग समोर असलेल्या साई डेव्हलपर्स यांचे काम बंद पडलेल्या इमारतीच्या टेरेसवरून एक इसम खाली पडताना दिसला. म्हणून त्यांनी बारकाईने पाहीले असता, एक इसम मोबाईलची टॉर्च लाईट लावून खाली उतरताना दिसला. त्याचा खबर देणार यांस संशय आल्याने त्यांनी त्यांचे मोबाईलमधुन उतरून जाणार्या इसमाचे व्हिडीओ रेकॉर्ड केले व तात्काळ त्यांचे मित्रास व पनवेल शहर पोलीस ठाणे येथे माहिती दिली. मयत युवक प्रथमेश रमेश राणे (19) याला आरोपी आदित्य अजित शेकाटे (रा.परदेशी आळी) याला अटक केले असून त्याला न्यायालयात हजर केले असता न्यायालयाने 8 नोव्हेंबर पर्यंत पोलीस कोठडी दिले आहे. आदीत्य अजित शेकाटे याने त्याचे परिचयाचा मानसीक आजाराने त्रस्त असलेला इसम नामे प्रथमेष रमेष राणे याचा मोबाईल व स्पीकर बॉक्स जबरी चोरी करण्याचे उददेषाने त्याला साई डेव्हलपर्स यांचे काम बंद इमारतीचे टेरेसवर घेवून जावून त्याचा मोबाईल व स्पीकर बॉक्स जबरीने चोरला व त्याबाबत इतर कोणालाही सांगू नये म्हणून त्याला इमारतीचे टेरेसवरुन ढकलून देउन गंभीर दुखापत करुन खुन केला. सदर गुन्ह्याचा तपास तपासाच्या अनुशंगाने मा.पोलीस आयुक्त, नवी मुंबई, सह पोलीस आयुक्त, नवी मुंबई, अपर पोलीस आयुक्त, नवी मुंबई, पोलीस उप आयुक्त शिवराज पाटील, परिमंडळ 2, पनवेल, मा. सहा. पोलीस आयुक्त भागवत सोनवणे यांनी विशेष सुचनेनुसार वरिष्ठ पोलीस निरीक्षक अजयकुमार लांडगे यांच्या मार्गदर्शनाखाली पोनि संजय जोशी, सपोनि गणेश दळवी, सपोनि निशांत धनवडे, पोउपनि गणेश फरताडे, पोउपनि दयानंद महाडेश्वर, पोउपनि मनोज महाडीक, पोहवा प्रकाश म्हात्रे, पोहवा अमोल डोईफेाडे, पोशि आजिनाथ मिसाळ यांनी केला.