विंधणे आदिवासी वाडीवर ‘किरण शिक्षणाचा’ उपक्रम.
उरण दि 4(विठ्ठल ममताबादे )वनवासी कल्याण आश्रम महाराष्ट्रच्या वतीने आदिवासी वाडीवरील मुलांना शैक्षणिक मदती दृष्ट्या “किरण शिक्षणाचा ” हा उपक्रम हाती घेतला आहे.त्या अनुषंघाने वनवासी कल्याण आश्रम उरण तर्फे प्रथम विंधणे आदिवासी वाडीवर “किरण शिक्षणाचा ” हा उपक्रम हाती घेण्यात आला.त्या करिता विंधणे वाडीवर बुधवार दि 3 ऑक्टोबर 2021रोजी मुलांना शैक्षणिक साहित्य वाटप ,खाऊ वाटप,वाडीवरील सर्व कुटुंबाना मिठाई वाटप,नवीन,जुनेवापरण्या जोगे कपडे वाटप,विधवा महिलांना दिवाळी निमित्त दिवाळी फराळ बनविण्याचे किराणा सामान वाटपाचे कार्यक्रम करण्यात आले .या प्रसंगी वनवासी कल्याण आश्रम रायगड जिल्हा सचिव रवींद्र पाटील यांनी मार्गदर्शन करतांना शिक्षणाचे महत्त्व उपस्थितांना सांगितले तसेस शिक्षण घेतल्यास सामान्य जनजाती मधील माणूसही फार मोठ्या उच्च पदावर पोहचू शकतो असे सांगितले .शिकण्याची तयारी असल्यास बिना इन्व्हेस्टमेंट तर्फे वाडीवरील कोणत्याही विद्यार्थ्यांची कॉलेज तशेच कोणत्याही उच्च शिक्षणाची जबाबदारी आम्ही घेऊ असे विपुल भाई सरवय्या यांनी सांगितले.तुम्ही रामभक्त शबरी मातेचे वंशज आहात, आणि आपल्या समाजास फार मोठा इतिहास आहे.कोणाच्याही भूलथापांना बळी न पडता आपला स्वाभिमान जागरूक ठेऊन कोणत्याही परिस्थितीत धर्मांतर करू नका. असे चिरनेर ग्रामपंचायतीचे सदस्य रमेश फोफेरकर यांनी सांगितले.करोना काळात लॉकडाऊनमुळे वाडीवरील आदिवासी बांधवाना नीट कामधंदा मिळाला नाही,सर्व हिंदू समाज दिवाळी सण साजरा करत असताना आपल्या आनंदात आदिवासी बांधवाना ही सामावून घेऊन त्यांचा घरीही गोड पदार्थांची चव त्यांच्या कुटुंबियांना घेता यावी म्हणून दिवाळीच्या आदल्या दिवशी फराळ बनविण्याच्या किराणा सामान देण्यात आले.सर्वांगीण विकासासाठी वनवासी कल्याण आश्रम मदत करत राहील अशी ग्वाही देत मनोज ठाकूर-अध्यक्ष वनवासी कल्याण आश्रम यांनी उपस्थित ग्रामस्थांचे, आलेल्या मान्यवरांचे आभार मानले.कार्यक्रमास वनवासीचे दीपक गोरे, कुणाल सिसोदिया, मीरा पाटील, सुनंदा वाघमारे, शिक्षिका आकांक्षा वाघमारे,सोहम धरणे,सुश्मिता धरणे आदी मंडळी उपस्थित होती.