दोन घरफोडीत लाखोचा ऐवज लंपास
पनवेल, दि.10 (संजय कदम) ः पनवेल जवळील आसुडगाव परिसराजवळ असलेल्या दोन घरफोडीत लाखो रुपये किंमतीचा ऐवज लंपास झाल्याची घटना घडली आहे.
दिवाळी सणानिमित्त आसुडगाव येथे राहणार्या मुक्ता बोकडे या करंजाडे येथे मुलाकडे गेल्या होत्या. त्यांचे घर बंद असल्याचे पाहून अज्ञात चोरट्याने घरफोडीमध्ये दागिने व रोख रक्कम लंपास केली. त्याचप्रमाणे त्याच इमारतीमध्ये राहणारे गणेश गायकवाड यांच्या घरामध्ये सुद्धा अशाच प्रकारे घरफोडी करून ऐवज लंपास केला. या दोन्ही घरफोडीत जवळपास 2 लाख 75 हजार रुपये किंमतीचा ऐवज चोरीस गेल्याने याबाबतची तक्रार खांदेश्वर पोलीस ठाण्यात करण्यात आली आहे.
