ग्रामपंचायत पागोटेच्या उपसरपंच पदी भारतीय जनता पक्षाच्या हर्षाली निलेश पाटील यांची बिनविरोध निवड.
उरण दि 26(विठ्ठल ममताबादे )उरण तालुक्यातील ग्रामपंचायत पागोटेच्या उपसरपंच पदी भारतीय जनता पक्षाच्या हर्षाली निलेश पाटील यांची बिनविरोध निवड झाली आहे.सरपंच मिलिंद तांडेल हे भाजपचेच व उपसरपंच हर्षाली पाटील हे भाजपचेच असल्याने पागोटे ग्रामपंचायतवर भाजपची एकहाती सत्ता प्राप्त झाली आहे. पागोटे ग्रामपंचायतवर भाजपचा झेंडा फडकल्याने भाजपच्या सर्व पदाधिकारी कार्यकर्त्यांनी आनंद व्यक्त करत एकच जल्लोष केला आहे.आमदार प्रशांत ठाकूर, आमदार महेश बालदी,उत्तर रायगड जिल्हा उपाध्यक्ष जितेंद्र पाटील, पागोटे भाजपा अध्यक्ष विजय पाटील, भाजपा युवा नेते योगेश पाटील,सरपंच मिलिंद तांडेल,किरण पंडित, मनिष पाटील, निलेश पाटील,सुकांत दास,प्रदिप पाटील-माजी उपसरपंच,मिता किरण पंडित-माजी उपसरपंच,रश्मी राकेश म्हात्रे,वनिता जगदीश पाटील,ग्रामसेवक-किरण केणी आदी मान्यवरांनी नवनियुक्त उपसरपंच हर्षाली निलेश पाटील यांचे अभिनंदन करत पुढील वाटचालीसाठी शुभेच्छा दिल्या आहेत.