स्वर्गीय केशवबुवा म्हात्रे संगीत आदरांजली उत्साहात संपन्न.
उरण दि 19(विठ्ठल ममताबादे )
आवरे गावात सालाबादप्रमाणे स्वर्गीय रामचंद्र बाळाराम म्हात्रे,स्वर्गीय नामदेव बाळाराम म्हात्रे व स्वर्गीय केशवबुवा बाळाराम म्हात्रे व ग्रामस्थ मंडळी यांनी 1958 साला पासून भोळानाथ मंदिरामध्ये दत्तजयंती महोत्सव सुरू केला आहे.स्वर्गीय केशवबुवा म्हात्रे ह्यांच्या गायन परंपरेचे स्मरण म्हणून तालुकास्तरीय संगीत गायन स्पर्धेचे भव्य नियोजन नित्यानंद उर्फ भाई म्हात्रे, महेश गावंड, गणेशप्रसाद गावंड,सदानंद म्हात्रे, रुपेश म्हात्रे ह्या आयोजकांनी उरण तालुक्यातील आवरे येथे केले.त्यास जनतेचा उत्तम प्रतिसाद लाभला.
उरण परिसरातील तरुण वर्गात संगीत कौशल्यांचा विकास व्हावा व जे संगीत उत्कट आनंदाचे शिखर व ध्यान प्राप्तीचे साधन त्याची जोपासना व्हावी.या दृष्टीकोणातून सदर स्पर्धेचे आयोजन करण्यात आले होते.सदर स्पर्धेचे मूल्याकंन संगीत संशोधक पंडित गणेश बंडा, निष्णात तबला वादक किरण पांचाळ ह्यांनी केले.लहान ते वृद्धापर्यंत पन्नास स्पर्धाक्षम गायक या स्पर्धेत सहभागी झाले होते .कार्यक्रमाचे संचलन सकाळी 11 वाजल्यापासून ते संध्याकाळी 5 वाजेपर्यंत झाले.
कार्यक्रमाचे प्रमुख उपस्थिती जेष्ठी प्रभाकर म्हात्रे,जेष्ठी कुमूदनी गावंड,शिक्षकसेवावर्ती देविदास म्हात्रे,शिक्षक सेवावर्ती सुनिल ठाकूर,आदर्श शिक्षक कौशिक ठाकूर, समाजसेवक सुधाकर पाटील,शांताराम म्हात्रे ,शिक्षण विस्तार अधिकारी प्रियांका म्हात्रे,बाळाराम पाटील व आवरे ग्रामस्थ मंडळी उपस्थित होती.गायन स्पर्धेच्या पूर्णत्वासाठी रायगड भूषण गणेशप्रसाद व तबला वादक सागर घरत ,पखवाज वादक परेश गावंड यांनी विशेष सहकार्य केले.तदनंतर संगीतविशारद गणेशबंडा ह्यांनी प्रख्यात गायक व संगीत घराणी ,गायनाचे सादरीकरण, रागाच्या जागा ह्याचे ज्ञान व प्रात्यक्षीक व जाणीव प्रेक्षक व स्पर्धकांना करून दिली.गायन स्पर्धेचे विजेते प्रथम क्रमांक -सानिया म्हात्रे,द्वितीय क्रमांक -हर्षल शिंदे,तृतीय क्रमांक -मृदुला म्हात्रे
उत्तेजनार्थ बक्षिसे गायक देवर्षं पाटील,गायक विष्णू गावंड,गायक रघुवीर भोईर, गायिका साक्षी गावंड यांनी स्पर्धेत विजय मिळविला.शेवटी प्रमुख पाहुण्याच्या हातून बक्षीस वितरण होऊन शेवटी समालोचक महेश गावंड ह्यांनी कार्यक्रम संपल्याचे जाहीर केले.