ब्लास्टिंगच्या विरोधात ओवळे ग्रामस्थ आक्रमक
पनवेल/रायगड :ओवळे गावाच्या हद्दीत गावाच्या बाजूलाच असलेल्या डोंगरावर मोठया प्रमाणात ब्लास्टिंग घेतले जात आहे. घेत असलेल्या ब्लास्टिंग तीव्रता मोठी होती. यामुळे ओवळे, कुंडेवहाळ गावातील अनेक घरांना मोठ्या प्रमाणात तडे गेले आहेत. यावेळी ग्रामस्थानी नाराजी व्यक्त करीत सिडकोने ब्लास्टिंगचे काम थांबवावे किंवा तीव्रता कमी करावी अशी मागणी ओवळे, कुंडेवहाळ ग्रामस्थानी केली. अन्यथा सिडकोच्या विरोधात मोर्चा काढण्याचा इशारा ओवळे, कुंडेवहाळ गावातील नागरिकांनी दिला आहे. त्याचबरोबर ब्लास्टिंगमुळे नुकसान किंवा मनुष्यहानी झाल्यास सिडको व ठेकेदारावर गुन्हे दाखल करू असा इशारा लोकनेते दि.बा.पाटील २७ गाव प्रकल्पबाधित कृती समितीच्या माध्यमातून देण्यात आला आहे.
विमानतळ बाधींताच्या पुनर्वसनाकरीता अतिरिक्त जागेसाठी ओवळे, कुंडेवहाळ या गावांच्या बाजूलाच मोठमोठ्या डोंगराचे उत्खनन आणि सपाटीकरणाचे काम सुरू आहे. डोंगर उत्खननाकरीता गेल्या काही दिवसापासून मोठया प्रमाणात ब्लास्टिंग केले जात आहे. माईन्स अॅक्टनुसार संबधीताला काम करण्यास शासकिय यंत्रणाकडून मंजूरी देण्यात आली आहे. त्या अटी आणि शर्तीचा भंग ठेकेदाराकडून करण्यात आला आहे. रस्ते, लोहमार्ग, त्याचबरोबर शैक्षणिक संकुल आणि घरांजवळ खोदकाम किंवा सुरूंग घेता येत नाही. त्याकरीता किमान दोनशे मीटर अंतराची मर्यादा आहे. परंतु बाजूला घरे तसेच उरण महामार्ग, असताना या ठिकाणी ब्लास्टिंगचे काम सुरू आहे. ओवळे गावाला लागूनच असलेल्या डोंगरावर डोंगर सपाटीकरणासाठी मोठयामोठया तीव्रतेची ब्लास्टिंग ठेकेदार घेत असून गावातील अनेकांच्या घराला मोठ्या प्रमाणात तडे गेले आहेत. यामुळे घराचे नुकसान झाले आहेत. यामुळे मोठ्या प्रमाणात घेणाऱ्या ब्लास्टिंगच्या विरोधात ओवळे व कुंडेवहाळ, डुंगी, पारगाव येथील रहिवासी ग्रामस्थ आक्रमक झालेली आहे. याबाबत लोकनेते दि.बा.पाटील २७ गाव प्रकल्पबाधित कृती समितीच्या माध्यमातून सिडको तसेच पोलीस प्रशासनाला लेखी पत्र दिले असून याबाबत लवकरात लवकर निर्णय घेण्यात यावा, अन्यथा सिडकोच्या विरोधात जनआंदोलन उभारू असा इशारा यावेळी कृती समितीकडून देण्यात आला असल्याचेही माहिती अध्यक्ष नंदराज मुंगाजी यांनी बोलताना सांगितले. यावेळी अध्यक्ष नंदराज मुंगाजी, गोवंधन ना. डाऊर, चंद्रकांत त्रि. पाटील, अॅड. प्रशांत म. भोईर, कांचन ना. घरत, सुभाष रा. पाटील, करण बा. भोईर, अमित रा. वास्कर, सुहास स. पाटील, सुनिल चां. म्हात्रे, रुपेश रा. मोहिते, पंढरीनाथ ना. पाटील, प्रेम नं. पाटील, किरण चां केणी मा. चेतन ल. डाऊर मा. सुरज क. शेलार, विजय द. भगत, संतोष तु. पवार, कैलास ज्ञा. तारेकर, अंबाजी प. डोलकर मा. प्रल्हाद के. पाटील कायदेशिर सल्लागार, अॅड. राहुल द. मोकल मा. ॲअॅड. जितेंद्र प. म्हात्रे मा. अॅड. प्रदिप तु.मुंडकर, अॅड. बिशाल मुंडकर सल्लागार मा. पुंडलिक आ. म्हात्रे, गजानन तु. पाटील मा. महेंद्र मा. पाटील, संजय आ. पाटील, जयंबत परदेशी, मयुर म. भोईर, तुकाराम म. बास्कर, सुधाकर का. कोळी मा. विवेक ना. मोकल, महेंद्र आ. पाटील मा. विजय शिरढोणकर, रुपेश म. धुमाल मा. संजय ध. घरत, रविंद्र कृ.म्हात्रे मा. विक्रांत दि. घरत, दत्तात्रेय मि. पाटील मा. किरण ना. पवार, प्रकट भ. कडू मा. विशाल ना. भोईर, शिवदास ना. पाटील, सुनिल का. कटेकर, उमेश द. खांदेकर, सचिन का. कावळे हे कृती समितीच्या माध्यमातून पाठपुरावा करीत आहेत.
सिडकोने हनुमान जन्माला घालावा
काम बंद करा असे आमची मागणी नाही. आमची मागणी एकच आहे या ब्लास्टिंग मुळे घराला तडे जातात त्यामुळे हे ब्लास्टिंग बंद करा किंवा तीव्रता कमी करावा अशीच आहे. ज्यांनी स्वाताची जमीन दिली घर दिले याची तरी जण सिडकोने ठेवली पाहिजे. सिडकोच्या दुतुप्पी भूमिकांमुळे आम्हाला आंदोलन करण्याची वेळ आली आहे. ब्लास्टिंगला वापरण्यात येणारे केमिकलचा वास हा साधारणता तीन तास या परिसरातून जात नाही. या राज्यामध्ये हनुमान जन्माला आला पाहिजे, हनुमानाने लक्ष्मणासाठी टेकडी उचलून नेली होती, तसा हनुमान सिडकोने जन्माला घातला पाहिजे.
– दयानंद म्हात्रे – उपसरपंच – ओवळे गाव
संपूर्ण गाव हादरला
सिडकोच्या माध्यमातून ठेकेदाराकडून जे ब्लास्टिंगचे काम सुरु केले आहे. या अति उच्च ब्लास्टिंगमुळे ओवळे, कुंडेवहाळ गाव येथील संपूर्ण गाव हादरला. यामुळे अनेक घरातील भांडी खाली पडले आणि काचा फुटल्या आहेत. त्यामुळे सिडकोकडून एकतर ब्लास्टिंगचे काम बंद करावे किंवा ब्लास्टिंगची तीव्रता कमी करावी.
– अमित मुंगाजी – सरपंच ओवळे
ब्लास्टिंगमुळे ओवळे गावातील शाळेलाही धोका
सिडकोच्या माध्यमातून ओवळे गावाच्या परिसरात विमानतळाच्या कामासाठी ब्लास्टिंगचे काम सुरु आहे. या ब्लास्टिंगमुळे ओवळे, कुंडेवहाळ गावातील घराणं हादरे बसले आहेत. त्याचबरोबर पनवेल उरण महामार्गावर असणारी व गावातील मुलांना शिक्षण मिळावे यासाठी जिल्हा परिषदेची पहिली ते आठवी प्रयन्त पार्थमिक शाळा आहे. या शाळेलासुद्धा अतितीव्र प्रमाणात ब्लास्टिंग केल्यामुळे शाळेला धोका निर्माण होण्याची दात शक्यता आहे. त्यामुळे सिडकोनं वेळीच लक्ष घालावे अन्यथा आंदोलनाचा पर्याय उभा राहू शकतो.
– रुपेश धुमाळ – प्रवक्ता,
लोकनेते दि.बा.पाटील २७ गाव प्रकल्पबाधित कृती समिती
अन्यथा सिडकोला घेरावा घालू.
सिडकोच्या माध्यमातून आणि ठेकेदाराच्या मेहेरबानीने ओवळे, कुंडेवहाळ गावाच्या हद्दीमध्ये नवी मुंबई आंतरराष्ट्रीय विमानतळाच्या कामासाठी ब्लास्टिंगचे काम सुरु आहे. ठेकेदार मात्र दिलेल्या तीव्रते पेक्षा जास्त तीव्रतेने ब्लास्टिंग केल्यामुळे या परिसरातील अनेक गावातील घरांना हादरे बसले आहेत. मात्र या बसलेल्या हादरेमुळे अनेक घरच्या भिंतीला तडे गेले, तर अनेकांच्या खिडक्यांच्या काचा फुटल्या आहेत. याला सर्वस्व सिडको जवाबदार आहे. याबाबत सिडकोने लवकरात लवकर पर्यायी मार्ग शोधावा अन्यथा लवकरच सिडको कार्यालयाला घेरावा घालू.
– प्रेम पाटील – सचिव,
लोकनेते दि.बा.पाटील २७ गाव प्रकल्पबाधित कृती समिती
अनेक बैठका झाल्या मात्र प्रतिसाद शून्य
नवी मुंबई आंतराष्ट्रीय विमानतळ हा राष्ट्रीय प्रकल्प असून सिडकोने प्रकल्पग्रस्तांना त्याचे प्रश्न सोडविण्यासाठी अनेक आश्वासने दिली. मात्र येथील अनेक गावांचे विस्थापन दुसऱ्या ठिकाणी झाले. मात्र प्रकल्पग्रस्ताचे प्रश्न जैसे आहेत. अनेक बैठका झाल्या मात्र प्रतिसाद शून्य मिळाला आहे. विमानतळाच्या कामासाठी सिडकोमार्फत ठेकेदाराची नियुक्ती झाली आहे. त्या ठेकेदाराच्या माध्यमातून ओवळे, कुंडेवहाळ गावाच्या हद्दीमध्ये ब्लास्टिंग करून काम सुरु आहे. मात्र या ब्लास्टिंगमुळे परिसरातील घरांचे नुकसान झाले आहे.
– किरण पवार – संपर्क प्रमुख,
लोकनेते दि.बा.पाटील २७ गाव प्रकल्पबाधित कृती समिती