खोपोलीत राष्ट्रवादी महिला काँग्रेसच्या वतीने आरोग्य शिबीराचे आयोजन
राष्ट्रवादी महिला काँग्रेस खोपोली शहर अध्यक्षा सुवर्णा मोरे आणि प्रभाग क्र.५ चे मा.नगरसेवक समीर मसुरकर,मा.नगरसेविका केविना गायकवाड यांच्या संयुक्त विद्यमाने महिला प्रदेशाध्यक्षा रूपाली चाकणकर यांचे आदेशानुसार रायगड जिल्हाध्यक्ष सुरेश लाड,निरीक्षक रुपाली दाभाडे, महिला जिल्हाध्यक्षा गिता पालरेचा मा.नगराध्यक्ष दत्ताजीराव मसुरकर यांच्या मार्गदर्शनाखाली महिलांसाठी मोफत आरोग्य तसापणी शिबीर श्रीमती कमला बेन हॉल येथे आयोजित करण्यात आले होते.शहरातील अनेक महिलांनी आरोग्य तपासणी केली असून, मा.नगराध्यक्षा सुमन औसरमल यांनी स्वतःची आरोग्य तपासणी करून आरोग्य शिबीराचे उद्घाटन केले. याप्रसंगी मा.नगरसेविका केविना गायकवाड, सुनिता गायकवाड उपस्थित होत्या. मा.नगराध्यक्ष दत्ताजीराव मसुरकर,राष्ट्रवादीचे युवक अध्यक्ष अतुल पाटील,शेकापक्षाचे नेते कैलास गायकवाड, रविंद्र रोकडे,सामाजिक कार्यकर्ते विशाल गायकवाड यांनी शिबीरास भेट देवून शुभेच्छा दिल्या घर, व्यवसाय, नोकरी अशा विविध आघाड्यांवर स्त्री लढत असताना तिच्या आरोग्याकडे तिचे दुर्लक्ष होत असते किंवा काही स्त्रियांना परिस्थितीमुळे स्वतःच्या आरोग्याकडे लक्ष देता येत नाही ही एक मोठी शोकांतिका आहे. याच स्त्रीच्या सन्मानासाठी आणि स्वतःच्या आरोग्याबाबत महिलांनी सजग व्हावे म्हणून राष्ट्रवादी महिला काँग्रेस तर्फे आरोग्य शिबीर आपल्या दारी आयोजित केले असल्याचे महिला शहर अध्यक्षा सुवर्णा मोरे यांनी प्रस्ताविकेतून सांगितले ..
डॉ.निलेश जगदाळे,डॉ.सुशिल जाधव,डॉ.स्वरूप पाटील,डॉ.अजित धनताळे,डॉ.सीमा नाईक,डॉ.सायली झणके आदी टिमचे जवळपास २०० महिलांचे संपूर्ण शरीर तपासणी,रक्त तपासणी,मधुमेह,नाडी परिक्षण,बी.एम.आय,बाँडी फँक्ट आदि तपासणी केली आहे. तसेच उपस्थित महिलांना रक्तवाढीच्या गोळ्यांचे वाटप करण्यात आले आहे.
आरोग्य शिबीर यशस्वी करण्यासाठी राष्ट्रवादी काँग्रेस महिला जयश्री डोंगरे वैशाली भोसले प्रतीक्षा नाईक, प्राजक्ता शिर्के, सरोज मोरे तेजश्री मोरे, रेखा जाधव प्रियंका मोरे अश्विनी ढोले पदाधिकाऱ्यांनी मेहनत घेतली आहे.