नेरेच्या उपसरपंच पदी दिपाली रोडपालकर
पनवेल दि,०६(वार्ताहर): ग्रुप ग्रामपंचायत नेरेच्या उपसरपंचपदी दिपाली शशिकांत रोडपालकर यांची बिनविरोध निवड करण्यात आली आहे. बुधवार 6 एप्रिल रोजी उप सरपंच पदाची निवडणूक घेण्यात आली.
नेरे ग्रामपंचायतच्या उपसरपंच सुप्रिया मांडवकर यांनी उपसरपंच पदाचा राजीनामा दिल्याने रिक्त झालेल्या जागी दिपाली रोडपालकर यांची नियुक्ती करण्यात आली. यावेळी मुंबई कृषी उत्पन्न बाजार समिती संचालक राजेंद्र पाटील, कृषी उत्पन्न बाजार समिती पनवेलचे अध्यक्ष दत्तात्रय पाटील, पुरोगामी रायगड जिल्हा अध्यक्ष देवेंद्र पाटील, माजी जिल्हा परिषद सदस्य विलास फडके, क्रांतिकारी सेवा संघाचे नामदेव शेठ फडके, नरेंद्र भोपी, बाळा फडके, शेखर शेळके, मेघनाथ म्हसकर, गजानन पाटील, मोहन कडू, बबन कदम, राष्ट्रवादीचे पनवेल तालुका अध्यक्ष दर्शन ठाकूर, शंकर ठाकूर, सुनील पाटील यांच्यासह अनेक जण उपस्थित होते. त्यांच्या निवडी बद्दल त्यांच्यावर अभिनंदनाचा वर्षाव केला जात आहे.