क्रीस्टार आय.एन.सी. केमिकल गोडाऊनमधून होणाऱ्या वायुप्रदुषणामुळे ग्रामस्थांचे आरोग्य धोक्यात
उरण दि:३०
उरण तालुक्यातील वेश्वी गावाच्या नागरी वस्तीपासून अवघ्या १०० ते २०० मीटर अंतरावर क्रीस्टार आय.एन.सी. केमिकल गोडाऊन आहे…. २०१६ पासून या गोडाऊन मधून सातत्याने वायुप्रदुषण होत आहे….त्यामुळे येथील स्थानिक नागरिकांचे आरोग्य धोक्यात आले आहे… याबाबत वेश्वी ग्रामपंचायतकडे वारंवार पत्रव्यवहार करून देखील कोणत्याही प्रकारची कारवाई अद्याप झालेली नाही….त्यानंतर ग्रामस्थांनी आक्रमक पवित्रा घेत पुन्हा ग्रामपंचायतींकडे कारवाई करण्याची मागणी केली आहे… त्यानुसार तहसिलदार यांनी पत्र पाठवून प्रदुषण नियंत्रण मंडळाला सदर गोडाऊनवर कारवाई व्हावी अशी मागणी केली होती….मात्र अध्याप कोणत्याही प्रकारची कारवाई करण्यात आली नाही….सदर जागेवर जाऊन ग्रामपंचायत सदस्यांनी पाहणी केली असता, वायू प्रदुषणाबाबतचा अहवाल त्वरित ग्रामपंचायतीकडे सादर करावा….तसेच, गोडाऊनमध्ये येणाऱ्या वायूप्रदूषणाचा त्वरित बंदोबस्त करून तात्काळ कारवाई करावी, अन्यथा ग्रामपंचायतमार्फत सदर गोडाऊनवर कायदेशीर कारवाई करुन, गोडावून बंद करण्यात येईल असा इशारा देण्यात आला आहे .या बाबत सामाजिक कार्यकर्ते गोपाळ पाटील गुरुजी यांनी दाखल केलेल्या जनहित याचिके कडे सर्वांचे लक्ष लागून राहिले आहे