येल्लो फिवर लस उपलब्ध करून द्या; आयुक्त अभिजित बांगर यांना ऑल इंडिया सिफेरस युनियनचे पत्र
पनवेल दि.३० : लोकहीतकारक उद्देशाला ध्यानात घेऊन लवकरात लवकर नवीमुंबई महानगर पालिकेच्या हॉस्पिटलमध्ये ‘येलो फिवर’ ची लस उपलब्ध करून द्यावी अशी मागणी सिफेरसच्यावतीने निवेदन देऊन पुन्हा एकदा करण्यात आली आहे.
नवीमुंबई महानगरपालिकेच्या हद्दीत अनेक मरीन अकॅडमी आणि शिपिंग कंपन्या आहेत, तसेच सिफेरर्स होस्टेलस आहेत ज्यात देशभरातून सिफेरर्स नोकरी आणि शिक्षणासाठी येतात. त्यांना नोकरीसाठी विदेशात जातात व आंतरराष्ट्रीय प्रवासी नियमानुसार त्यांना ‘येलो फिवरची’ लस घेण सक्तीचे आहे. त्यामुळे शिपिंग क्षेत्रात काम करणाऱ्या तरुणांसाठी जरुरी असणारी ” येल्लो फिवर ” लस उपलब्ध करून द्यावी या साठी नवी मुंबई पालिका आयुक्त अभिजित बांगर यांना ‘ स्मरण पत्र’ ऑल इंडिया सिफेरस युनियन चे अध्यक्ष संजयजी पवार आणि कार्याध्यक्ष अभिजित सांगळे यांचा मार्फत देण्यात आले व तसेच अनेक वेळा पाठपुरावा करून देखील लस अजूनही सूरु करण्यात आली नाहीय हे निर्देशनात आणून देण्यात आले.
फोटो : संजय पवार