पोलादपूर तालुक्यातील चळई येथील महामार्गावर कोसळलेली दरडीची आमदार प्रविण दरेकर यांनी पाहणी
पनवेल /प्रतिनिधी :
पोलादपूर तालुक्यातील चळई येथील महामार्गावर कोसळलेली दरडीची भाजप नेते आमदार प्रविण दरेकर यांनी पाहणी केली. त्यांच्यासमवेत उपस्थित अतिरिक्त जिल्हाधिकारी अमोल यादव व अन्य अधिका-यांना या भागात तातडीने मदत देण्याचे निर्देश प्रविण दरेकर यांनी दिले तसेच येथील स्थानिक नागरिकांच्या व्यथा ऐकुन घेऊन त्यांना सर्वार्थ मदत करण्याचे आश्वासन दिले. त्यांच्यासमवेत भाजपा जिल्हाध्यक्ष महेश मोहिते, नगरसेविका अंकिता निकम, राजीव धुमाळ, एकानाथ कासुरडे, नामदेव शिंदे, बिपिन महामुणकर, महेश शिंदे, राजेश मोपारा, संजय अप्पा ढवळे, संदिप ठोंबरे आदी उपस्थित होते.
यावेळी भाजप नेते आमदार प्रविण दरेकर यांनी जिल्हाधिकारी महेंद्र कल्याणकर यांच्या उपस्थितीत अधिका-यांची बैठक घेतली. या बैठकीमध्ये प्रविण दरेकर यांनी आपत्कालीन व्यवस्थापनाचा आढावा घेतला व तातडीने पुढील मदतकार्य करण्याच्या सूचना दिल्या.