कामोठे शिवसेना उपशहरप्रमुखपदी सचिन त्रिमुखे यांची नियुक्ती
पनवेल, दि.26 ः
पक्षप्रमुख उद्धव ठाकरे यांच्या आदेशानुसार शिवसेना नेते, संपर्कनेते कोकण विभाग सुभाष देसाई यांच्या मार्गदर्शनानुसार जिल्हाप्रमुख शिरिष घरत यांच्या सहकार्याने कामोठे येथील धडाडीचे शिवसैनिक सचिन त्रिमुखे यांची कामोठे शिवसेना उपशहरप्रमुखपदी नियुक्ती करण्यात आली असून तशा नियुक्तीचे पत्र जिल्हाप्रमुख शिरिष घरत यांनी दिले आहे.
कामोठे शहर प्रभाग क्र.16 उपशहरप्रमुखपदी ही नियुक्ती करण्यात आली असून त्यांनी संघटनात्मक कार्यकर्त्यांना संघटनेच्या हिताची जपणूक करणे, संघटनेच्या सर्व कार्यक्रमांना उपस्थित राहणे, संघटनेला व संघटनेच्या प्रतिष्ठेला कुठलाही डाग लागणार नाही याची खबरदारी घेणे तसेच त्यांच्या कार्यक्षेत्रातील सर्व निर्णय घेतेवेळेस जिल्हा मध्यवर्ती, शहर शाखा कार्यालयाशी संपर्क साधावा, संघटनात्मक कोणताही कार्यक्रम वा उपक्रम करतेवेळी वरिष्ठांची पुर्व परवानगी घेणे बंधनकारक असेल व जोमाने पक्ष वाढवावा अशा शुभेच्छा यावेळी सचिन त्रिमुखे यांना जिल्हाप्रमुख शिरिष घरत यांनी दिला.