कळंबोली वसाहती मधील तातडीने रस्ते दुरुस्ती करण्याची शिवसेना हिंदुस्थान माथाडी ट्रान्सपोर्ट आणि जनरल कामगार सेनेची सिडको कडे मागणी
पनवेल दि. २८ : कळंबोली वसाहती मधील तातडीने रस्ते दुरुस्ती करण्याची शिवसेना हिंदुस्थान माथाडी ट्रान्सपोर्ट आणि जनरल कामगार सेनेचे महाराष्ट्र राज्य उपाध्यक्ष मोहम्मद जमील खान यांनी सिडको कडे मागणी केली आहे.
कळंबोली वसाहती मधील रस्त्यांची कामे नुकतीच करण्यात आली होती, परंतु रस्त्याची कामे ही सुमार दर्जाची असून त्यामुळे कळंबोली मध्ये अनेक रस्त्यांची अवस्था खड्डेमय झाली आहे त्यामुळे अपघात होत आहे. तसेच मोठ्या प्रमाणात पाणी साठून राहत आहे त्यामुळे या रस्त्यांची दुरुस्ती करणे गरजेचे आहे. तरी याबाबत सिडकोने उपाययोजना करावी अशी मागणी शिवसेना हिंदुस्थान माथाडी ट्रान्सपोर्ट आणि जनरल कामगार सेनेचे महाराष्ट्र राज्य उपाध्यक्ष मोहम्मद जमील खान यांनी केली आहे
फोटो – रस्त्याला पडलेले खड्डे