पारिजात नवी मुंबई संस्थेची नेरुळ शाखा “सर्वोत्तम शाखा” पुरस्काराने झाली सन्मानित….
पनवेल दि.०१ (वार्ताहर): नवी मुंबई मधील अग्रगण्य अश्या रुपये २५० कोटी संमिश्र व्यवसाय करणाऱ्या पारिजात को ऑप क्रेडिट सोसायटी लि, नवी मुंबई संस्थेच्या एकूण दहा शाखा पैकी सन २०२१-२२ या आर्थिक वर्षात उत्कृष्ट ग्राहक सेवा , ठेव संकलन व कर्ज वसुली या विभागात उल्लेखनीय कामगिरी केल्याबद्दल संस्थेच्या नेरुळ शाखेस संस्थेचे अध्यक्ष मा श्री कृष्णा धुमाळ साहेब व संचालक मंडळ यांच्या शुभहस्ते “सर्वोत्तम शाखा पुरस्कार” प्रदान करण्यात आला.
नेरुळ शाखेचे शाखाधिकारी , कर्मचारी , दैनंदिन ठेव प्रतिनिधी यांनी त्याचा स्वीकार केला व हा पुरस्कार नेरुळ शाखेच्या सर्व कर्मचारी वर्ग, दैनंदिन ठेव प्रतिनिधी यांच्या संयुक्त प्रयत्नांचा व नेरुळ शाखेच्या सन्माननीय सभासद यांच्या सहकार्याचा बहुमान असल्याचे उदगार नेरुळ शाखेचे शाखाधिकारी श्री संतोष जाधव यांनी त्यांच्या मनोगतात व्यक्त केले. वाशी नवी मुंबई या ठिकाणी पार पडलेल्या या रोप्य महोत्सवी वार्षिक सर्वसाधारण सभेस संस्थेचे मान्यवर सभासद उपस्तीत होते.
फोटो: पारिजात नवी मुंबई संस्थेची नेरुळ शाखा “सर्वोत्तम शाखा” पुरस्काराने झाली सन्मानित.
