*आजिनाथ गणपत गाडे,एक निष्काम कर्मयोगी अनंतात विलीन*.
:- बीड जिल्ह्यातील आष्टी तालुक्यातील कुंबेफळ गावचे प्रगतशील शेतकरी अजिनाथ गणपत गाडे यांचे शनिवार दिनांक 10 /9/2022 रोजी अल्पशा आजाराने निधन झाले. दशक्रिया विधी सोमवार दिनांक 19/9/2022 रोजी कुंबेफळ ता. आष्टी जि. बीड या त्यांच्या राहत्या गावी होणार आहे. ते अतिशय प्रामाणिक व सचोटीचे होते, त्यांचे व्यवहार चोख असत. ते एक आदर्श व्यक्तिमत्व होते . त्यांनी सध्याच्या यांत्रिक युगातही आयुष्यभर पारंपारिक पद्धतीने बैलांद्वारे सेंद्रिय प्रकारची शेती करुन समाजात आदर्श निर्माण केला त्यांची कष्टकरी,त्यागी व्यक्तिमत्व म्हणून ओळख आहे.ते नेहमीच सर्व वयोगटातील व्यक्तींशी हसून खेळून राहत असत, त्यांनी त्यांचे हयातीत मुक्या जनावरांवर अपार प्रेम केले, त्यांनी शेवटपर्यंत बैल, गावरान गाई पाळण्याचा छंद जोपासला .त्यांच्या निधनाने पंचक्रोशीत हळहळ व्यक्त होत आहे. त्यांच्यामागे भाऊ भाऊजाई, दोन मुले,मुलगी, पुतणे, सुना, नातवंडे, पत्नी असा परिवार आहे. त्यांचा एक मुलगा सतीश अजिनाथ गाडे बीड जिल्हा न्यायालयात वकील असून भाऊसाहेब आजिनाथ गाडे हे आदर्श शिक्षक आहेत.