चोळई येथे दरड कोसळली प्रशासनाकडून 75 नागरिकांना सुरक्षित ठिकाणी हलविले
पनवेल प्रतिनिधी :
आज सकाळपासूनच सुरू असणाऱ्या धुवाधार पावसामुळे कशेडी घाटातील चोळई येथे दरड कोसळली सुरक्षेचा उपाय म्हणून प्रशासनाने तात्काळ घटनास्थळी धाव घेत येथील 20 कुटुंबे यातील सुमारे 75 नागरिकांना सुरक्षित ठिकाणी विद्या मंदिर पोलादपुर येथे हलविले आहे.
सदर ठिकाणी चौपदरीकरण कामामुळे डोंगराचा कापण्यात आलेला भाग पावसामुळे दरडीचे ढिगारे च्या ढिगारे या ठिकाणी दगड माती खाली कोसळत असल्याने या गावाला धोका निर्माण झाल्याचे लक्षात आले असल्याने तालुका प्रशासनाने तात्काळ घटनास्थळी धाव घेत येथील नागरिकांना सुरक्षित ठिकाणी हलवले आहे.
यावेळी नायब तहसीलदार समीर देसाई, पोलीस निरीक्षक प्रशांत जाधव , नरवीर रेस्क्यू टीमचे पदाधिकारी रामदास कळंबे, दीपक उतेकर यासह आपत्ती निवारण कक्षाचे अधिकारी कर्मचारी पोलीस कर्मचारी उपस्थित होते.
