कंपनीची बनावट सही व बनावट लोगो व चेक तयार करून केली फसवणुक
पनवेल दि.२६ : मेडीएक्स ए मेंबर ऑफ मेडीएक्स ग्रुप या कंपनीचा बनावट सही व लोगो तयार करून त्याद्वारे बनावट चेक करून फसवणूक करत असताना दोघे जण मिळून आले. प्रतिक विजय पाटणकर (राहणार विचुंबे) आणि अमित सुभाष पाटील (राहणार आवळीपाडा, अलिबाग) यांच्या विरोधात तळोजा पोलीस ठाण्यात विविध कलमान्वये गुन्हा दाखल करण्यात आला.
मेडीएक्स कंपनीत सौरव वेद हे चीफ ऑपरेटिंग ऑपरेटर म्हणून काम करतात. त्यांची कंपनी हॉस्पिटल डिझाइनिंग चे काम करते. 21 मार्च एप्रिल रोजी त्यांना तळोजा एमाडिसी येथून अक्षय दोशी यांनी फोन करून सांगितले की राजेश थळे नावाचा मॅनेजर कंपनीत आला असल्याचे सांगितले. यावेळी कंपनीत राजेश थळे नावाचा कोणताही व्यक्ती नसल्याचे मनीष कोठारी यांनी सांगितले. व कंपनीने कोणत्याही प्रकारचा व्यवहार केला नसल्याचे सांगितले. 22 एप्रिल रोजी मनिष कोठारी यांनी सौरव वेद यांना सांगितले की, थळे नावाची व्यक्ती अक्षय दोशी यांना भेटण्यासाठी येणार आहे. त्यामुळे सौरव वेद हे कंपनीचे गोडाऊन असलेल्या तोंडरे गाव येथे जाऊन अक्षय दोशी यांना भेटले व तेथेच थांबले. त्यानंतर अक्षय दोशी यांना भेटण्याकरता त्यांच्या कंपनीत दोन इसम आले. व राजेश थळे नावाच्या व्यक्तीने 55 लाख रुपयांचा एचडीएफसी बँकेचा मेडीएक्स या कंपनीचा बनावट सही केलेला चेक दिला. त्यानंतर अक्षय दोशी यांनी हाक मारून सौरव वेद यांना बोलावून घेतले व त्या व्यक्तींना ओळख दाखवल्यानंतर त्यांनी फसवणूक केल्याचे लक्षात आले. व ते घाबरून पळून जात असताना अक्षय दोशी यांचे कंपनीतील कामगारांनी त्यांना पकडले. त्यावेळी त्यांनी त्यांचे नाव प्रतीक विजय पाटणकर (राहणार विचुंबे) व अमित सुभाष पाटील (राहणार आवळीपाडा, अलिबाग) असे सांगितले. दोघांविरोधात गुन्हा दाखल करण्यात आला आहे.
