ट्रेलरच्या धडकेने मोटार सायकलवरील एकाचा मृत्यू एक जखमी

ट्रेलरच्या धडकेने मोटार सायकलवरील एकाचा मृत्यू एक जखमी
पनवेल, दि.18 (वार्ताहर) ः भरधाव ट्रेलरने पुढे चाललेल्या मोटार सायकलला धडक दिल्याने झालेल्या अपघातात एकाचा मृत्यू तर त्याचा सहकारी जखमी झाल्याची घटना पनवेल जवळील कळंबोली ते उरणकडे जाणार्‍या मार्गावरील डी पॉईंटच्या अलीकडे घडली आहे.
रामदास काळे (32) रा.कळंबोली व त्यांचे सहकारी प्रमोद कदम (36) हे दोघे कळंबोली ते उरणकडे जाणार्‍या मार्गावरील टी पॉईंटच्या बाजूने मोटार सायकलवरुन जात असताना पाठीमागून आलेल्या ट्रेलरच्या चालकाने आपल्या ताब्यातील हयगयीने व अविचाराने चालवून मोटार सायकलला धडक दिल्याने झालेल्या अपघातात प्रमोद कदम यांचा दुर्दैवी मृत्यू झाला आहे. तर रामदास काळे हे जखमी झाले आहेत. या अपघाताची नोंद पनवेल शहर पोलीस ठाण्यात करण्यात आली आहे.