पनवेल तालुका सोमाटणे गावात राहणारी विवाहिता बेपत्ता
पनवेल दि. 31 (वार्ताहर): तालुक्यातील सोमाटणे गावात राहणारी एक विवाहिता बेपत्ता झाल्याने ती हरविल्याची तक्रार पनवेल तालुका पोलिस ठाण्यात करण्यात आली आहे.
करूणा गणेश भोपी (वय-29) ही राहत्या घरातून कामाला जाते असे सांगून घराबाहेर पडली. ती अद्याप घरी परतली नाही. रंगाने सावळी, चेहरा उभट, अंगाने सडपातळ, डोळे काळे, केस लांब असून अंगात पिवळ्या रंगाचा ड्रेस व पांढऱ्या रंगाचा पायजमा, लाल चप्पल, गळ्यात काळ्या मण्याचे मंगळसूत्र, नाकात चमकी आहे. या महिलेबाबत कोणाला अधिक माहिती असल्यास पनवेल तालुका पोलिस ठाणे दुरध्वनी-27452444 किंवा सहा पोलिस उपनिरीक्षक एन.व्ही. गोडसे यांच्याशी संपर्क साधावा.
